Әрқайсымыздың организмімізде денсаулығымызды қалыпты ұстап тұруға қажетті де жеткілікті мөлшерде физикалық және психикалық мүмкіндіктер баршылық. Міне, осылардың жартысын ғана ұтымды пайдалана білсек, біз салауатты да бақытты ғұмыр кешер едік. Бұл турасында адамтану жөнінде көне жазбаларда да айтылған. Табиғат, аурудың пайда болуы мен емдеу тәсілдері турасында жазылған. Қолжазбалар бар. Және олар әр елдің баға жетпес байлығы іспеттес сақталып, ұрпақтан-ұрпаққа дәріс болуда. Бір таңқаларлығы, «дәстүрлі», медицинаны кейбір ғалымдар «дәстүрлі емес» деп те айтып жүр. Шынтуайтына келгенде Батыс пен Шығыс халықтарының емдеу әдістемелері бүгінгі медицинаны толықтырып, байытып отыр емес пе?
Болгарлық көріпкел-емші Ванганың кеңестері славян халқы емдеу әдістемелерінің жалғасы іспеттес. Шығыстың танымал дәрігерлері Н. Уокер, Корбетт, М.Ф. Гогулан, доктор Г. Шелтонның ауруды емдеу жөніндегі еңбектері айтарлықтай. Бұлар ауруды емдеу барысында дәстүрлі емес тәсілдер қатарында халық медицинасы әдістемелерін ұтымды пайдаланып келген ғалымдар.
Медицина философиясы мен медицинаның білгір маманы Шығыстың Дж. Озав есімді доктарының тезистері де пайдалы және сонысымен ерекше. Ол өз еңбегінде Пранаяманың тыныс жүйесін емдеу тәсілдерін, цигун жүйесі физикалық жаттығуларын, ханта-йога сияқты кешенді жаттығуларды ұсынады. Бұл көне емдеу тәсілдері денсаулықты жақсартуға өте пайдалы деп жазады автор өз еңбегінде. Шын мәненде шикі ет, аштық, вегетариандық, тіпті сөз және басқа да оқулармен емдеу өз барысында жеке-жеке қажетті ем бере алмайтыны аян.
Жалпы, әркім өз денсаулығына өзі жауапты. Бір нәрсені естен шығармалық. Ол ауруға ұшыраған кезде ең бірінші кезекте білгір дәрігерге жүгіну. Сол ғана бізге дұрыс ем белгілейді. Қажет болса «дәстүрлі емес медицинаның ерекшеліктерінен де кеңес бере алады.
|
