Өмір болған соң қуану, шаттану, ашулану, күйіну сынды жайлар орын алып тұрады. Осы күнге дейін дәрігерлер тым қатты және бірден қуану немесе өкіну, күйіну денсаулыққа, әсіресе жүрек пен жүйке жүйесіне зиян деп келген болатын. Дегенмен іштегі «шерді» сыртқа шығару керектігі жайлы да айтылып қалушы еді. Ал жақында Испанияның Валенсия атындағы университетінің бір топ дәрігерлері бір уақыт ашуланып, айқайласып ұрысып алғанның пайдасын ғылыми түрде дәлелдеп шықты.
Зерттеу барысында түрлі сала дәрігерлері 30 адамды бақылуға алған. Оларды көңілді сәттерінде тексеруден өткізіп болған соң біртіндеп ашуландырады. Ашу барысында жүрек соғысы, қан қысымы, тыныс алу үнемі назарда болады. Сонда дәрігерлер ашуын іркіп, ішінде ұстайтындардың денсаулығы тез сыр бергенін, ал айқайлап «от души» ұрсып алған адамның жағдайы тәуір болатынын байқаған. Атап айтқанда, ашуды дер кезінде сыртқа «төге» білген адамның ұйқысы тыныш, жүйкесі қалыпты болады, жүрегі жақсы жұмыс істеп, тамаққа тәбеті тартып тұратын көрінеді. Айқайласудың ұзақ өмір сүруге де пайдасы көп екен.
Олай болса, ашуыңыз келсе қысылмаңыз, айқайласып алыңыз, ол денсаулығыңызға пайдалы.
Бірақ, біздің ойымызша көрінген жерде бақыра сөйлеп «долы» атанудың қажеті жоқ.
|
