Әдеп әліппесі бойынша «уақ-түйекке» іренжи берген дұрыс емес көрінеді. Ол үшін, мәселен, түкке уақытым жетпейді деп қиналғанша сол уақытыңыздың қайда кететінін білген де жөн секілді. Назар салыңыз.
Адамның бүкіл өмірінің үштен бірі ұйқымен өтеді, орта есеппен жетпіс бес жасайтын кісі үш жылдан артық уақыттың кілең тамақтануға кетіреді деген секілді мәліметтерді есептеп шығаруға әуестер бар. Олардың есебінше, адам зейнетке шыққанға дейін қырық жыл жұмыс істейтін болса, мұндағы «таза жұмыс істейтін» уақыты 8 жыл болып шығады екен.
Болгарияның «Дума» газеті жариялаған бір мақалада ілгерідегідей есепшілердің одан әрі бажайлау барысында ашқан «жаңалықтары» туралы жазылған. Мысалы, адам 75 жыл өмірінің тура төрт тәулігін бәтіңкесінің бауын байлап, шешуге кетіретін көрінеді. Тіс тазалау секілді қарекетке үш-төрт ай, жуынуға бір жылдай уақыт жұмсалады. Европалықтар ұйықтарда шешінуге күніне бір минуттан кетіргенде жетпіс бес жылда бұл жиырма күн болып шығады екен. Еркектердің таңертеңгілік киінуіне он минуттан кеткенде өмір бойына бұл жарты жылдан асады, ал әйелдер үшін бұл маңызды қарекетке күніне қырық минуттан бір жылдай уақыт арналатын көрінеді.
Біздің шұбатылған ұзақ кезектерге тұрып, қоғамдық көлікті сағаттап күтуге көндіккен қарапайым адамдарымыздың қаншалық уақыты зая кететінін және 75 жасқа жеткенше мұның неше жыл болып шығатынын есептеуге де келе қоймас.
|
