Гарвардтық ғалымдар әйелдердің түс көруіне қатысты қызықты жаңалық ашты. Олардың пайымдауынша, нәзік жандар түрлі мәселелердің шешімін түсінде табады екен.
Ғалымдар 98 әйелдің қатысуымен зерттеу жүргізген. Қыз-келіншектер күрделі ситуациялық басқатырмалардың жауабын шешуі қажет болған. Тапсырмаға берілген уақыттың орта тұсында ғалымдар әйелдердің бір тобын ұйықтауға жібереді. Ал қалған топ бой сергітер жаттығулармен шұғылданған. Бірнеше сағаттан соң екі топ бірігіп, жұмбақтың шешуін табуға қайта отырады. Нәтижесінде, ұйықтап демалған топ бірте-бірте басқатырманың шешімін таба бастаған. Ал ұйқының орнына бой сергіткен қыз-келіншектер сол қиналған күйі отырып қалыпты. Бірінші топ өкілдері күрделі басқатырманы шешудің жолдарын ұйықтап жатқан кезде де ойлағандарын айтқан. Ғалымдардың айтуынша, бұл-жай қасиет емес, әйелдердің миында күрделі мәселелердің шешімін ағза тынығып жатқан кезде іздестіру мүмкіндігі бар көрінеді.
|
