«Кемістіктеріңізді ойлай бермеңіз»-деседі мамандар. Жаратылысынан тым ұялшақ адамдар болады. Бұл әсіресе жастардың арасында жиі кездеседі. Мұндай адамдардың көбі, іс жүзінде басқалардың өзіне назар аударғанына тым көп мән береді. Олар қашан да болсын басқалар мен туралы не деп ойлайды, не дейді деген ойдың шырмауында жүреді. Жұрт жиналған жерде не топқа кіргенде бұлар барша кісілер тек өзін ғана бақылайтындай сезінеді.
Іс жүзінде әсте олай емес, дейді маман психолог. Жұрттың назарын өзіңе аудару оңай шаруа емес, ол үшін көп өнер керек.
Өзіңіздің бітім-тұлғаңыздың кемістігіне күмәнданушылық та ұялшақтықтың бір себебі болуы мүмкін. Ал өзін-өзі қораш сезініп, басқалардан кем санау шындап келгенде мүлдем тұйықтыққа апарып соғады. Дәрігерлер тіпті әйелдердің тым салқын, ал еркектердің төмен қабілеттілігінің болуы осы өзін-өзі кем санаудың, өзіне көңілі толмаушылықтың салдарынан болуы мүмкін дейді.
Егер бітім-тұлғаңызда көңіліңіз толмайтындай кемістік бар деп білсеңіз, мұның амалын қарастырыңыз, бірақ бүкіл тіршілігіңіз соған қарап тұрғандай болмау жағын ойластыру керек.
|
