Ақтайлақ шешен Қанай шешеннен:
-Ер басында неше бақыт нешеу? Кемдік нешеу? Құлазу нешеу?-деп сұрайды.
Сонда Қарауыл Қанай шешен былай деп жауап береді:
-Ер басында бақыт-бесеу, кемдік-үшеу, құлазу-төртеу.
Астындағы атың жүрдек болса,
Жалғанның пырағы:
Алғаның жақсы болса,
Үй мен қонақтың тұрағы:
Әкең-асқар тау,
Шешең-қайнар бұлақ,
Балаң жақсы болса
Екі көздің шам-шырағы.
Міне-бес бақыт осы.
-Атың шабан болса,
Жалғанның азабы:
Алғаның жаман болса,
Дүниенің тозағы:
Балаң жаман болса,
Көрінгеннің мазағы.
Міне,-үш кемдік осы.
-Қалың ел көшсе,
Көл құлазиды,
Қаптаған мал кетсе,
Бел құлазиды.
Нарқын танымаған
Сөз құлазиды,
Қатарынан айрылған
Шал құлазиды.
Міне,-төрт құлазу осы.
|
