бар. Қарашы өздерінің айлакерлерін!.. Оның үстіне бұл үйді тыраштанып салдық емес пе? Келгендердің алты-аласы, бес-бересісі жоқ, оларға неменеге жалпаңдаймын. Бүйтсем, елдің бәрі пенжақтарын ашып күлмей ме?!
Бастығым басылған жоқ. Қайта асығып тұр-ау шамасы, сөзін жалғады. Оның ойынша келгендерге рахмет айтып сөйлеушілердің белсендісі-сұлулау келіншек болуы керек. Түрі қара торы ма, сары ма-бәрі бір, тек шашын орыс халқының жұлқымданған әйелдеріне ұқсатып сарыға боятуы қажет. Сөйлегенде қазақша жөнді білмейтін қатындар құсап орыс сөздерін араластырып, қазақшасын орысшаға бұрап, қылмыңдаңқырап сөйлесін дейді. Ондай қатынды қайдан табам? Өзінің есі дұрыс па?! "Неге өйтіп сөйлеуі керек?" деп пәлеге қалдым: "Ой! Ақмақ!-деді ол ақырып,-сенің қызмет істеуге қабілетің азайып бара жатқан сияқты ма, қалай өзі?! Айттым ғой, телефонмен бәрін сарнай берсек, пәлеге қалармыз!"
Ойланып сәл үндемей қалып едім, анау ашудан жарыла жаздады: "Сендей ақмақты көрсем, көзім шықсын,-деді менің ұға қоймағанымды аңғарып,-ұқпай ұрсың-ау, ақмақ! Келе жатқан қазақтардың ішіндегі дөкейі, мұрттысын айтам, қазақша жөнді сөйлей алмайды. Сонан соң жаңағыдай қылымсыған келіншектердің сөзін ұйып тыңдайды. Арғы жағын енді өзің біл! Кіріс жұмысыңа!"
Трубканы тегершігіне қойып, телефонның жанында бедірейіп талай отырдым жалғыз өзім. Сон-соң жарымес кісі құсап жалғыз өзім тарқылдай күлдім. Өз күлкімнен өзім оянып кеттім. Шым-шытырық түстен әлем-тапырығым шығып, қатты қиналғаным, оянып кеткенім жақсы болды. Өйткені жаңағы "шаруалардан" құтылдым ғой. Желдеткіш ашық еді, содан жүгері қуырылғандай иіс келіп тұрды. Түстің себебі де сол ма деп ойладым,-деді Биғазы қария далада өзімен бірге дем алып орындықта отырған Кәрім деген шалға бұрылып.
Кәрім болса, онша таң қалған жоқ. Қзіргі шалдар емес пе, түсті "уточнить" етіп жатты, ыржақтап: "Газыңды сонымен екі-үш күнге жаба тұрдың ба, жоқ па?"-деді. Биғазы: "О жағын түк есімде жоқ!"-деп салмақтанып жауап қатты.
Не десін? Қасындағы құрдасы да біліп отыр ғой. Алдағыштарды жаңа көріп жүрген жоқ…
|
