Уақ Қозыбай шешен жер аударылып Семей еліне барып, Бекболаттың (Бекболат Қанайұлы 1714-1795 жылдар аралығында қазіргі Көкшетау облысында туып, ғұмыр кешкен шешен, би) қолында тұрады. Сонда Қозыбайдың көңілін аулап бір мәжілісте Бекболат былай деген екен:
Еліңде жақсы көп болса пайдасы тиер,
Содырлы, сотқар көп болса найзасы тиер.
Қоғамшыл, кең қолтық болсаң халқың сүйер.
Жақсыға жаманнан кесір,
Ішінен жақсы кетсе ел жесір.
Өзіңе жамандық қылған пендеге,
Жібектей болып есіл.
Қисық ағаш тезінен мұқар,
Асқынан дау сөзінен мұқар.
Жақыннан шыққан жау жаман,
Алмас қылыш жүзінен мұқар.
Жаңылмас жақ болмас,
Сүрінбес тұяқ болмас.
Ер жігітке еңбек ар емес,
Оны көтермеген нар емес,
Жігітке серуен де серуен,
Сергеңдең де серуен,
Уа, Қозыбай, дәм-тұзыңды бізден жазсын,
Топырағыңды жеріңнен жазсын!
|
