Таяуда Женевадағы госпиталь университеті өмірді ұзартудың 15 түрлі амалы туралы зерттеу нәтижелерін жариялады. Бұл қызық жай бүгінде Европа жұртшылығы арасында қызу талқылануда. Жұртты елеңдетіп қойған бұл жаңалықта мынадай қарапайым жайлар туралы айтылады:
-Күн көзінен қаша бермеңіз. Күн сәулесі ағзаға аса қажетті Д витаминінің түзелуіне себепкер. Ол сондай-ақ диабеттен қорғайды, түрлі аурулардың өршуіне әсер ететін депрессияға қарсы күреседі.
-Нанның сыртын көбірек жеңіз, онда рак клеткаларының көбеюіне қарсы тұратын антиоксиданттар бар.
-Үйленген дұрыс. Итальян ғалымдары 20 жыл бойы жүргізген зерттеу нәтижелерінде отбасылы адамдардың бойдақтардан бірнеше ұзақ өмір сүретінін анықтаған.
-Ой еңбегімен айналысқанның денсаулыққа оңды әсері бар. Өлең оқу, сөзжұмбақтар шешу сияқты нәрселер адам өміріне пайдалы. Мұндай адамдар арасында өлім-жітім физикалық жұмыс істейтіндерден 4 есе аз кездесетіне ағылшын ғалымдары көз жеткізіпті.
Ғибадатханаларға барып тұрыңыздар.
Тіл үйреніңіз немесе саз аспабында ойнауды игеріңіз. Мұның адам өмір жасын ұзартуда маңызы зор.
Қызанақты (помидорды) көбірек пайдаланыңыз. Өйткені онда калий көп, ол жүрек-қан тамырлары ауруларына ұшырау қаупін 30 пайызға азайтады.
Жалғасы бар...
|
