Белгілі сықақшы-қаламгер Сейіт Кенжеахметұлының есімі көпке таныс. Ел ішінде «Сейіт айтыпты» деген сөздерді жиі естуге болады. Біз соның екеуін назарларыңызға ұсынып отырмыз.«Мал өрістен оралмай ма?»
Сейіт жас кезінде өз ауылына барып, ауыл үлкендеріне сәлем беріп жүрсе, сараң ағайындарының бірі:-Шырағым-ай, сирек келетін бала едің, мал өріске кетіп қалып еді,-деп қипақтай беріпті. Сонда Сейіт:-Ақсақал, малыңыз «бүгін өрістен оралмаспыз» деп айтып кетіп пе еді,-депті.Тапқыр студент
Арқалық педагогикалық институтының доценті С. Кенжеахметұлы емтихан алып отырса, бір студент сұрақтарға жауап бере алмапты. Бұған ренжіген доцент:-Шырағым-ау, кеше дәріс оқығандағы өзімнің айтқанымды қайталап айтып берсейші,-дегенде, әлгі студент:-Сіздің білгеніңізді білсем, маған институтта оқып не керек?-десе керек.Студенттің тапқыр жауабына риза болған Сәкен бағасын қойып беріпті.
|
