Сұрақ:Суретке түсуге туралы әр түрлі пікірлер бар. Соның дұрысын білейін деп едік.Гүлсара, Нұртас
Өскемен қаласы.
Жауап: Бұл жайында ықшамданылып алынған мына бір материалға ой көзін тастаңыз.Аталмыш қисын дәлелдерден байқағанымыздай, арнайы аппаратпен суретке, таспаға түсуге шариғат тыйым салмаған. Дейтұрғанменде, суреттің қандай мақсатта түсірілгеніне мән беруіміз керек. Егер ол естелік, келер ұрпағына мұра не қылмыстық оқиғаларды дәлел ретінде суретке түсірсе, оған тыйым жоқ. Ал, сурет жартылай жалаңаш қыздың яки еркектің тәнін немесе әдемілігін көрсету, оны жарнамалау, адамгершілікке қайшы келетін мақсатта түсірілсе, онда оған қатаң тыйым салынады. Себебі, бейәдеп суреттер мен ер не әйел затының жалаңаш тәнінің бейнелеуі, бейне таспа арқылы бұл үрдістің кеңінен етек алуы-зинақорлыққа жол ашып, қоғамның азғындауына себеп болады. Ал зинақорлық дінімізде-харам. Мәселен, әдеттегі біз білетін пышақты нан яки ет кесу мақсатында сатып алу-адал сауда. Ал онымен біреуді өлтіру үшін сатып алса, оның саудасы-харам. Дәл осы секілді суретке түскенде де қандай мақсатта түскеніне қарай үкім беріледі, Сол себепті суреттің қандай мақсатта түсіріліп жатқанына қарай үкім шығарылады. Сұраққа жауап берген Қанат Нұрмаханұлы,
ҚМДБ-ның діни сараптама және ғылыми талдау бөлімінің меңгерушісі.(Қазақстан мұсылмандары діни басқармасы «Иман» журналыАй сайын шығатын діни-танымдық журнал № 6 2012 жыл)
|
