Голландиядағы Детихэм қаласының тұрғыны Г. Аренде 13-ке шыққанда, велосипед үйренуге бел буыпты. Оның не таңы бар дейсіз ғой? Қызығы мынада: Г. Аренде туабітті соқыр екен. Сонда да велосипедпен бармайтын жері жоқ құсайды. Тіпті, көшедегі ағылып жататын жаяуларға да, көліктерге де соғылмайды екен.
Оның бір ерекшелігі-көшеде велосипед айдап келе жатқанда, үнемі таңдайын тақылдатумен болады екен. Сөйтсек, бар сыр осында болып шықты.
-Мұны мен жарқанаттардан үйрендім,-дейді Аренде баспасөз қызметкерлерінің сұрағына. - Олар өздерінің бағыт-бағдарын жаңғырыққа қарай анықтайды емес пе? Мен де таңдайымды әдейі тақылдатамын. Егер алдымда кедергі болса, дыбыс соған барын соғылады да, қайтадан жаңғырып естіледі. Алдымда кедергі барын сезе қоям. Демек, менің көзім-құлағым…
Адамнан амал қалмаған-ау, сірә.
|
