-Ол үшін бір апта ішінде қандай бағдарламаларды қанша уақыт бойы көргеніңізді дәптерге жазып жүріңіз. Әрбір бағдарламаны не үшін тамашалайтыныңызға мән беріңіз, ол қанша уақытыңызды алды, Сізге не берді, осы уақыт ішінде нақты қандай іс бітіруге болар еді-осының бәрін ой елегінен өткізіп көріңіз.
-Өзіңізге сұрақ қойып көріңіз: осы уақытты теледидар көруден басқа пайдалы іске арнауға болар ма еді? Осыған үш түрлі жауап тауып көріңіз, олар Сіздің денсаулығыңызға пайдалы, өзіңізге ұнамды болуы керек және өміріңізді қызықты етуі тиіс.
-Теледидар қосу алдында ойланып алыңыз. Көрмек болған бағдарламаңыздың Сізге өмірде берері бар ма?
Жалпы, теледидардың адам өміріне тигізер пайдасын да жоққа шығаруға болмайды. Ол адамның білімін арттырады, көзқарасын кеңейтеді, ақпараттардан құлағдар етеді, көп нәрсені көріп, түсінуге мүмкіндік береді. Дегенмен ол шынайы өмірді алмастырмауы керек, адамға көмектесуі қажет. Сондықтан телебағдарламаларды жөнді-жөнсіз тамашалай бермей, оның пайда-зиянын өкшеп алған дұрыс.
|
