Сұрақ:
-Балаларға қатысты қазақы тиымдарды естігенім бар еді, кезінде жөндеп ұғына алмай қалған сияқтымын. Осы жөнінде айтып берсеңіздер.
Алмагүл, Өскемен қаласы.
Жауап:
-Алмагүл, сіз айтқандай тиымдар бүгінгі таңда бұқаралық ақпарат құралдарында жарияланып та жатыр. Күдікті ойларыңызды балалар дәрігерлерімен әңгімелесіп, сейілте жүріңіз дегіміз келеді. Ал тиымдар (қазақы) былай болып реттеліп жүр: Нәресте бетіне ай сәулесін түсірмейді. Ай сәулесі бетіне түссе ол ауруға шалдығады.
Жаңа туған баланың кіндігі қатқанша, күн батқаннан кейін, үйден күл шығармайды. Егер күл шығарылса, нәрестенің денсаулығы нашарлайды.
Бала қырқынан шыққанша түнде алып жүрмейді. Нәрестенің бетіне ай сәулесі түсуі мүмкін.
Бейуақытта баланың киімін далаға жаймайды.
Бүлдіршінді ожаумен ұрса, ырыс-несібе кетеді.
Ал, денесіне сыпырғы тиген бала, жаман-шылыққа ұшырайды.
Балаға үлкен адамның алдын кесіп өтуге, үлкендердің сөзіне араласуға болмайды. Бұл әдепсіздік болып саналады.
|
