Жасым ұлғайған шақта көзімнің көруі нашарлап, көзілдірік киюіме тура келді. Осылайша 65 жасқа жеттім.Қартайған шақта бос уақыт көп. Жұмыс немесе өзге шаруа деп көп алаңдамайсың да. Бір денсаулықтан өзгені ойламайсың екен. Өйткені жастық шақта баланы, жұмысты ойлап, денсаулықты күтуге дұрыс көңіл бөлетін уақыт та болмайды. Сөйтіп жүргенде көптеген аурудың бойымызда қалыптасуына өзіміз жол беріп аламыз. «Адам ит жанды» дегендей, неге де болса да көндігіп кеткендеймін. Бірақ жанарымның көруі нашарлап кеткен соң, су қараңғы болып өзгелерге масыл болам ба деген суық ойдан денем түршігіп, одан аздап болса да арылудың жолын іздестірдім. Бұл тұста менің сенімді көмекшім-«Емші» баспасы. Осы баспа арқылы бөрткен бидаймен емдеу туралы таныстым. Оны қолданып көрдім. Содан кейін көзімнің көруі біршама түзелді. Қарттығыма қарамастан, көзілдіріксіз жақсы көріп, оқимын.Дайындау әдісі мынадай:Жақсылап жуылған 0,5 кг бидайды эмальды ыдысқа салып, су құйып, үстін жауып, бір тәулік қойып қоямыз. Осылайша бөрткен бидайды еттартқыштан өткізіп, екі қасықтан бөліп, целлофандарға салып, тоңазытқыштың мұздатқышына қойып, таңертеңгі уақытта үстіне сүт құйып, жылытып, бал немесе қант қосып ашқарынға жеңіздер. Құлымбетова Сәния,
Қызылорда облысы
(«Емші», № 20 2011ж)
|
