Мұхаммед пайғамбардың хадистеріне ой көзін салыңыздар:
-Кімде-кім өз ісін ойлап-пішіп, төзімділікпен атқарса, оның тілегі қабыл болады немесе соған жақындайды. Кімде-кім асықса-шатасады немесе соған жақындайды.
-Сіздің бойыңызда Алла тағала сүйетін екі нәрсе бар, олар әрбір істегі жұмсақтық (көнгіштік) және төзімділік.
-Кімде-кім өз ашуын баса білсе, Алла оған деген өз жазасын қайтып алады. Егер кімде-кім тіліне тиым салса, Алла тағала оның кемшілігін жасырады.
-Алла тағаланың көмегі де мұқтаждыққа қарай беріледі. Қайғы қандай болса, соған лайық төзім беріледі.
-Егер кімде-кім басына түскен қайғыға төзімді болса, Алланың бергеніне риза болса, өзіне жамандық жасаған адамды кешірсе, өзі жасағандарына кешірім сұраса, ол жолдағы адам деп саналады да, бәле-жаладан аулақ болады.
-Пайдасы бар төзім-қайғының бас кезіндегі шыдамдылық.
-Сіздердің іштеріңіздегі ең батылдарыңыз кім екенін айтайын ба? Ол-ашуын ақылға жеңдіре білген адам.
-Алла тағала көршілерінен келген қиянатқа шыдамдылықпен төзген және бұл үшін Алланың рахымын күткен адамдарды ұнатады.
-Істі сабырмен және төзіммен атқару-Алланың ісі, ал асығыстық-шайтанның ісі.
-Қайғылы жағдайдың бастапқы сәтінде ұстамдылық көрсету, шын сабырлылық болып саналады.
|
