 Ресейлік профессор Е. П. Шавалова ұсынған өт жолын жуу тәсілі «Тюбаж» деп аталады. Мұны медицинада дәрігерлер жиі қолданады. Таңертең аш қарынға алдын-ала аузы ашылып газы шығарылған 200-250 миллитр минералды су беріледі. Оған бес грамдай магнезия мен сорбий қосуға болады. Бұл өт жолының тезірек ашылуына ықпал етеді. Арада 15-20 минут өткенде ауруға тағы да 200-250 гр. минерал суы беріледі. Мұнан соң бауыр айналасына грелка қойып 1,5-2 сағаттай жатып демалу керек.
Уокер әдісімен тазарту. Жеміс пен көкөніс сөлінде ағзаның қорғаныс қабілетін арттыратын: белок, натрий және калии олеаты, сапониндер болады. Бұлар өтке түсу арқылы тастарды ерітеді. Жеміс пен көкөніс шырынын емдік мақсатқа қолдану барысында бірнеше минут тіпті бір сағатқа жуық ауыртатындығын еске сақтаңыз. Бұл ем қабылдаған аптаның аяғында, ағзадан тас пен құм шыға бастағанда байқалады. Енді батыс медицинасының атақты докторы Уокердің «Көкөніс шырындары» кітабынан алынған бауыр тазалаудың тиімді тәсілін ұсынайық. Сәбіздің, қызылшаның және қиярдың сөлін әрбірінен 0,5 стақан алып араластырасыз да күніне 3 реттен ішесіз. Сондай-ақ лимон сөлін 0,5 стақан суға ерітіп мұны да күніне үш реттен бір апта ішу керек. Бұл сөл қоспаларын қолдану-бауырды, өтті, қуық жолдарын тазалап, емдеудің тамаша тәсілдерінің бірі болып табылады.
Бауырдың жақсы жұмыс істеу үшін С және Е дәрімендерінің (витаминдерінің) мол болуын қамтамасыз ету керек. С дәруменін алудың оңай жолы-қарағайдың инелі жапырағынан тұнба жасап ішу. Бір шай қасық инелі жапырақты бір стақан қайнаған суға салып, бір сағат тұндырады. Тұнбаны сүзіп, бір шай қасық әсел қосасыз да, күн бойына ішіп тауысу керек. Мұны 14 күн ішіп барып бір апта үзіліс жасайды да емді қайталайды. Қоспаны 2-3 ай ішуге болады. Үшінші курстан бастап жапырақты жарты шай қасыққа кеміту керек. Бұл тәсілдердің орнына қыста-күніне бір лимон немесе грейпфрут жеуге, жазда-шпинат, бақбақ (одуванчик), қарақат (смородина), тұшала (крыжовник), қалақай (крапива) салатын қолдануға болады.
Е дәруменін балық майынан аласыз. Ең тиімдісі-қазіргі медицинада қолданып жүрген Омега-3, Нью-Лайф-100, Полиен капсулаларының бірін тамақпен бірге күніне үш рет 2 капсуладан қабылдау.
Бауыры ауыратындарға (гепатит, сепсис) өте-мөте пайдалы зат-лецитин болып табылады. Бұл жұмыртқада, малдың бауырында, арахисте, сояда, ақ капустада көбірек болады ол тағамда қоспа ретінде таза күйінде де шығарылады. Таза лецитинді күніне 3 грамнан бір ай қабылдайды. |
