Қорқақ қу
Үш адам жолаушы келе жатып далаға түнейтін болады. Жапан дала, түн тастай қараңғы.
Жолаушылардың екеуі өздерінің қорқақ екендіктерін білдіреді. Сонда үшінші қорқақ та болса қу жолаушы тұрып:
-Қорықсаңдар, бірің оң жағыма, бірің сол жағыма жатыңдар,-депті.
Шіңи дегенің шиқа май ғой
Бай тоқалын аяп, бір күні ет турап отырып, оған:
-Мына бір сіңірді шайнап тасташы!-деп, бір жапырақ майлы етті лақтырып жібереді.
Тоқал байдың қулығын түсінбей:
-Шіңи-шіңи дегенің шиқа май ғой!-депті.
|
