Бетке түскен әжім кәріліктің ғана белгісі емес, тері де сола бастайды. Жүзің өңді, шырайлы болуын әркім-ақ қадағалағаны жөн деседі мамандар.
Мұның бір жолы-бетке массаж жасап жүру болып табылады екен. Оны өзің жасауың қажет.
Массаж былай жасалады. Ең алдымен жағаны ағытып, мойынды босату керек, беттің терісін әбден тазалап, беттің, мойыңның бұлшық еттерін босаң ұстау қажет.
Екі қолдың төрт саусағын біріктіріп ұстап, оң қолымен беттің оң жағын, сол қолымен сол жағын бір мезгілде шапалақтау керек.
Көздің алдын үшінші, төртінші және бесінші саусақтардың ұшымен ғана кезектестіре сыйпайды. Сонда, саусақтар бірінен соң бірі тез-тез сипап өтіп отырады.
Иектің астыңғы жағына саусақтардың сыртымен жассаж жасайды: ең әуелі сол қолмен оңнан солға қарай, сонан соң оң қолмен солдан оңға қарай массаж жасайды, осы массажды бірнеше рет қайталау керек. Мұны орамал немесе салфеткамен жасаған да қолайлы, ол үшін орамалдың орта шенін сулап алады да, ортасынан бүктейді, оның екі шетінен ұстап, бір босатып, бір тартып отырып, массаж жасайды. Осыны көптеген рет қайталап, тамақ астына да массаж жасайды.
|
