Қорылдайды екен...
Бір еркек әйелімен көшеде келе жатса, қарсы алдарынан жолығысқан қалпақты кісі бұларға басындағы қалпағын шешіп иіліңкіреп амандасады. Сол кезде әйелдің күйеуі сүйсініп:
-Қандай ізетті жандар болады десеңші!-дейді.
Бұған зайыбы қарсылық көрсетті, жақтырмаған кейіппен:
-Ізетті дейді ғой! Сен оның ұйықтағанда қорылдағанын білсең ғой!-деді ашуланып.
Ойланғанда
-Неғып ойланып қалдың?
-Бір көп үрмейтін ит сатып алып, атын «Жақсылық» деп қоймақшымын.
-Неге?
-Үйге қайтқанда алдымнан ылғи «Жақсылық» күтіп тұрады, мүлде үрмесе де болады, әйелімнің арпылдап тұрғаны да жетеді.
Ыстықта
Әпербақандау жас жігіт, ұрттап алды ма кім білсін, шыжыған ыстыққа шыдамай кеуде жағын түгел шешіп пысынап төсегіне жатпас бұрын жолдастарының айтқаны есіне түсті. Олар бөлмедегі тарақандар мазаңды алмас үшін әр бұрышқа барып: «Менің бөлмемде тіске басар ештеңе жоқ» деп қайталасаң тыныш ұйықтайсың деген. Айтқандарын істеді.
Бірақ, түн ортасында әлде неден оянса, қарнының үсті қаптаған тарақан екен. Солардың кеуде жағына қаптағандардың бірі: «Біз саған тамақ әкелдік»,-дейді...
|
