Бүгінде компьютерсіз үйді елестету қиын. Бұл заманауи техника балалар үшін тапсырмас оный, әрі дүниетанымын арттыратын сабақ болып тұр. Бірақ біз осы күнге дейін компьютер бала үшін өте зиянды деп келдік. Ал оның зиянынан пайдасы басым болу үшін ата-ана нені білуге тиіс?
-Компьютерде бағдарламалар жеткілікті. Шет тілін, соның ішінде ағылшын, француз, неміс, түрік, корей, қытай тілін үйрететін бағдарламалар бар.
-Таным-талғамын арттыратын әртүрлі суреттерге толы энциклопедиялар, табиғат әлемі, өсімдік, жан-жануарлар, мұхит пен тау-тасты, аспан әлеміне арналған тағы басқа тақырыптарды табуға болады.
-Жеткіншектің ой-қиялын дамытуға арналған, тілін жаттықтыратын сұрақ-жауап түріндегі ойындар, ойлау қабылеті мен есте сақтау қабылетін жетілдіретін ойын нұсқалары толып жатыр.
-Компьютермен «достасқан» бала үшін «бос кеңістік» қалмайды. Күніне 10 минут уақыт бөлу арқылы «Әліппедегі» барлық әріпті жаттап алады.
-Есіңізде сақтаңыз: балаңыздың компьютерге қызығушылығы мен қандай бағдарламаны таңдауы тікелей ата-анаға байланысты. Сондықтан балаңыздың жайлы компьютер үстелі болуына мүмкіндік жасаңыз.
-Монитор экранын ылғал шүберекпен жиі тазалап тұрыңыз, ондағы шаңның өзі көзге кері әсерін тигізеді.
-Монитор мен орындықтың ара қашықтығын сақтаңыз, бала өзін экраннан 50-60 сантиметр алыс ұстауы керек.
-Үй ішінде интернетті пайдалануға және ат-шабысқа толы ойындарды ойнауға тиым салыңыз.
-Әр 15-20 минут сайын көзді тынықтырып отырған жөн.
-Компьютерге арналған арнайы қорғаныш көзілдірігін сатып әперсеңіз болады.
-Бүкірейіп отырудан сақтандырыңыз. Бір орында тапжылмай отыра берудің салдарынан балада түрлі аурулар пайда болуы мүмкін. Омыртқалардың қисаюы остеохондрозға ұшыратады.
-Бала ыңғайлы қалыпта отырсын десеңіз компьютер жабдықтарына арналған арнайы үстелді пайдалану керек. Орындығы жайлы болу үшін еркін айналмалы кресло әперіңіз. Балалар арлы-берлі дөңгелектеп қозғалып, сырғанап отыруды ұнатады.
