Митың тағы да келіншегінің миын ашытып отыр.
-Еттің көбігін алмайтын сен қатынның осы не жының бар, әй?
-Еттің көбігін алмайды, сорпасымен қосып, сапырып жібереді.
-Ке-э-т! Бүкіл Қазақстан еттің көбігін алады. Ресей еттің көбігін алады. А, сен?..

Боран азынап тұр. Ауылдың шеті. Ит үріп отыр. Жанына Қасқыр келіп:
-Достым, неге үресің?-деп сұрайды.
-Қасқырды қорқытып отырмын,-деп жауап береді Ит.
-Құйрығыңды қысып алғаның қалай?
-Өзім де сонан қорқып отырмын.

-Балалар,-депті мұғалім өзінің шәкірттерінің назарын аударып,-демалыс күндері істеген екі жақсы істерің жайлы айтып беріңдерші.
-Сенбі күні,-деп бастады сөзін Петя,-мен тәтеме барып едім, ол келгеніме өте қуанып  қалды.
-Жақсы Петя! Екінші істеген ісің қалай?
-Жексенбі күні мен тәтемнің үйінен қайтып кеттім, ол одан бетер қатты қуанды.

Әкесі бір жолдасына балам әбден бетімен кетті деп шағынып тұр:
-Мүлдем лақпа болып алды. Ылғи бір нақұрыстардың айтқанына ғана құлақ салады. Сен бір сөйлесші, тіліңді алар.

-Даяшы, меніңше, өткен жексенбіде балығыңыз жаңа ауланған қалпында, иістенбеген секілді еді...
-Айтқанға илансаңызшы, бұл нақ сол балық қой.

Екі пәтер арасын жұқа қабырға ғана бөліп тұрған көршілердің әңгімесі.
-Шырақ, өзіңдегі ән-күй табақтарыңды сатпайсың ба?
-Ағасы, талғамымыз бір жерден шықты ғой. Олар сізге де ұнады ма?
-Жоға... Бір түн құлағым тыныштала ма едім ғой.

-Біз келіншегіміз екеуіміз жиырма жыл алаңсыз, бақытты өмір сүрдік.
-Е, одан соң ше?
-Одан соң деймісіз, одан соң кездесіп үйлендік емес пе?

-Сенің аяқтарыңның тырнақтары неге сап-сары?
-Білмеймін, темекі тартқандікі шығар..

***
-Америка жайлы әңгіме қозғалса, мен удмурттар туралы ойлай бастаймын.
-Тек удмурттар  туралы ойлауыңның себебі не?
-Қызықсың, мен олар жөнінде ойласам, сонда олар туралы кім ойлайды?.

***
-Ұлым, жақсы оқысаң, саған компьютер сатып аламыз.
-Ал жаман оқысам ше?
-Пианино аламыз.

Сұрақ:-Әзілдерің жақсы екен. Тағы да бірді-екілісін бермейсіздер ме?
Жауап:-Сіз оқыған әзіл-ажуалар қазақтың күлдіргісі-сықақ әңгімелерінен екенін білдіңіздер ғой, біз еске салғандай болдық. Дегенмен, өтінішіңіз бойынша тағы  да бір тобына көз тоқтатыңыз.
Сол саудагер тамақ іше ме екен?
Қожағұл деген момын кедей ертеде Түркістан қаласына келіп, өзінің Талжан деген таныс делдалының үйіне қонып отырады. Талжан әңгіме айтуды жақсы көреді екен. Бірақ әңгіме айтқанда малтасын езіп, тыңдаушысын әбден мезі қылады екен. Ол ұзақ жолдан шаршап-шалдығып келген Қожағұлға қаладағы саудагердердің бірін мақтап, бірін даттап әңгімесін соза беріпті.
Шыдамы таусылған Қожағұл:
-Талеке, менің сізден бір сұрағым бар, сол айтып отырған саудагерлерің өзі тамақ іше ме екен!?-депті.
Көп сөйлеп кеткен Талжан сонда барып:
-Бәйбіше, тамағыңды әкел,-депті.

Ибрагим қажы Қарнақбайұлы

Бір сараң үйінде нанға бал жағып, жеп отырады. Үстіне бір танысы кіріп келеді.