Жалғасы...
6.Суық қабақ, қаталдық таныту-ең жаман қасиет. Егер Сіздің біртоға тұрмысыңызға белгілі бір дәрежеде оншалықты кедергі ете қоймаса немесе баланың өміріне тікелей зияны болмаса, онда оның көргені мен естігенін қабылдауын, сезім-түйсігін, қай иісті қалайтын-қаламайтынын, талғам-тұжымын «жөнге саламын» деп әуреге түспеңіз.
7.Мамандардың (тәрбиешілердің, дәрігерлердің) кеңестеріне соншалықты құлдық ұра бермеңіз, баланың өз пікірі болуға тиіс.
8.Ешқашан балаңыздың пәк тәніне дақ түсіруге, қол жұмсауға оқталмаңыз. Егер ондай әрекетке қаталдықпен байқамай бара қалсаңыз, дәлірек айтқанда, ұлыңызға немесе қызыңызға қызбалықпен қолыңыз тиіп кетсе, сол сәтте кешірім сұраңыз. Бірақ қателігіңізді айыпты бір нәрсемен өтеу, уәде беру арқылы жуып-шаюға тырыспаңыз. Әрбір ісіңізге жауаптылықпен қараңыз, өзіңіздің дұрыс емес деп тапқан әрекетіңізді енді қайтып қайталамаңыз.
9.Бала бір нәрсені бүлдіріп қойса, бас салып жазалаудың қажеті жоқ, оны Сіздің көмегіңізсіз (немесе көмек берегеніңізді елетпей, қалыс қалған болып) өзінің жөндеуіне мұрсат беріңіз.
10.Баланың миын ашытып ананы да, мынаны да тықпалай берудің қажеті жоқ және оны бәсекелестікке үйретпеңіз. Ол өзіне қажетін теледидар көру, оқу арқылы өзі-ақ ала алады. Одан да баланы жұртпен қайткенде тіл табысып, қалай сыйласу керектігін өзіңіз үлгі бола отырып үйретіңіз.
|
