Баланың өсіп жетілуінде, қоғамдағы алатын орнында, жүріс-тұрысына ата-анасынан алатын тәрбиесі ерекше роль атқарады.Сондықтан әрбір ата-ана өз перзентіне дұрыс тәрбие беруі тиіс. Психологтардың «goo. kz» сайтында жариялаған мына кеңестері керектеріңізге жарайды деген ойдамыз.

1.Бала 18-ге толғанға дейін толық тәрбие беруге және қорғауға сенімді болмасаңыз нәрестелі болуға асықпаңыз. Ал сәбилі бола қалған жағдайда Сіздің демеуіңізді қажет ететін сәттерді мейлінше қысқартуға тырысыңыз. Өз бетінше әрекет етуге талпына бастаған кезден-ақ оған еркіндік беріп, тек бақылауға алыңыз.

2.Бала тәрбиесіндегі басты мәселе-олардың өз қабілеттерін дамыта түсетін істерімен шұғылдануына жағдай жасау. Ешқандай мақсат, тәртіп, жақсы әдеп, т.б өзін-өзі басқару еркіндігінен биік болмақ емес, әрине, ол негізгі қағидаларға қайшы келгені дұрыс.

3.Баланы жақсы көру сезіміңізді тежемеңіз, оған деген ыстық ықыласыңызды аямаңыз. Бала өзінің сүйіспеншілік сезімін немесе сондай сезімді қалайтынын толық білдіре алуы керек.

4.Балаларыңыздың өзіндік пікірін, албырт сезімін немесе интуициясын аяқ асты етпеңіз. Оларды өзіңізбен санасуға үйретіңіз және өзіңіз де олармен санаса отырып, кез-келген талабына сергек қараңыз.

5.Балаларға ешқашан жалған сөйлемеңіз. Егер балаға шындықты айтудың қажеті жоқ деп санасаңыз, онда солай деп айтыңыз және себебін түсіндіріңіз.

Жалғасы бар...