 Сұрақ:Ұлар жөнінде білгім келеді. Екінің бірі білмейтіні рас.Берікбол, Зырян қаласы
Жауап:Ұлар «қызыл кітапқа» кірген Қазақстан аң-құстарының бірі.«Ұлы тауға шығып па ең,Ұлар етін жеп пе едің».Қазақтың осынау қанатты сөзінде қаншама сыр бар десеңші! Бұл биіктің не екенін таптың ба, дәмдінің не екенін таттың ба; таппасаң-талпын, татпасаң ізде деп тұрғандай. Оның астарында адамды алға ұмтылтып, асқарға ұмсынтатын өмір мұраты жатыр емес пе? Алайда осы ұларды екінің бірі біле қоймауы да ықтимал. Себебі ол кез-келген жерден кезіге бермейді. Ұлар қырғауыл тектестердің ішінде ең сирек ұшырасатын құс. Кейде оны таудың күрке тауығы деп те атайды. Көбіне оны теңіз деңгейінен үш мың метрлік биік таулы аймақтан ғана кездестіреміз. Оның қазір әлемде алтайлық, гималайлық, кавказдық, каспийлік және тибеттік болып бөлінетін бес түрі бар. Қазақстаннан табылатын тек алтайлық ұлар Алатау мен Алтайдың шығыс беткейінде ғана болады.Әдетте ұлар құзар таудың шың-құздарын паналап, өз түсі тәрізді мәрмәр жақпар тастардың қуысын мекендейді. Жайшылықта шөптің тамыры мен тұқымын және жидек дәнін корек етіп, жаз бен күзде биік таудағы шүйгін шалғынға жайылып кетеді. (Жалғасын келесі күндерде оқисыздар)
|
