-Заңның 4 бабының 3 тармағы, тұрғын үйдегі тұрғын және тұрғын емес, бірақ жалпыға ортақ жерлерді жабдықтау мен қайта жоспарлауды көршілер келісімен, сонымен бірге жобаның құрылыс нормалары мен ережелеріне сәйкес келуіне жауап беретін заңды немесе жеке тұлға орындаған жоба болған жағдайда ғана жүзеге асыруға болады. Бұл жобаның міндетті талаптарға сәйкестігін Қазақстан Республикасының заңдарында белгіленген тәртіппен сәулет, қала құрылысы және құрылыс істері жөніндегі уәкілетті мемлекетті орган растайды. Яғни сізге көршілермен қатар аталған мекеме келісімен алу керек.
-Үй-жайларды қайта жабдықтау және қайта жоспарлау басқа меншік иелерінің мүдделерін қозғайтын жағдайда олардың алдын-ала жазбаша келісімі талап етіледі. Сондықтан көршілеріңізден жазбаша келісім рұқсатын алғаныңыз дұрыс.
-Пәтерлерді қайта жабдықтау коммерциялық қызметпен (дүкен, офис және өзге де коммерциялық қызметте қолданылатын обьектілер) болса, онда Қазақстан Республикасының «Тұрғын үй қатынастары туралы» Заңының 2 бабының 17 тармағына сәйкес, ол тұрғын үйді функционалдық өзгертуі деп саналады. Бұл жағдайда кондоминиум өкілдерінің 100 пайыздық келісімі қажет екенін ұмытпаңыз.
|
